२८ बैशाख २०७८, मंगलवार
बि प्लस नेपाल

जनगणनाको तयारी तत्काललाई स्थगित, कहिले देखि हुन्छ त शुरु

बि. प्लस न्युज डेस्क २० बैशाख २०७८, सोमबार
जनगणनाको तयारी तत्काललाई स्थगित, कहिले देखि हुन्छ त शुरु

दश वर्षपछि शुरु हुन लागेको राष्ट्रिय जनगणना कार्यक्रम कोरोना भाईरस (कोभिड १९) महामरीका कारण स्थगित भएको छ । कार्यतालिका अनुसार तालिम गोष्ठी लगायत प्रत्यक्ष जनतासँग सम्पर्क हुनु पर्ने कार्यक्रम भएकाले तत्कालका लागि स्थगित गर्ने निर्णय भएको तथ्याङक विभागका जनगणना शाखा प्रमुख डुण्डीराज लामिछानेले बताउनुभयो ।


जनगणनाका सबै काम तत्कालका लागि रोक्ने मन्त्रीपरिषद् निर्णय गरेको तर औपचारिक रुपमा विभागमा पत्र आइ नपुगेको लामिछानेले बताउनुभयो । हाललाई स्थगित भए पनि कोरोना संक्रमणको अवस्थालाई हेरेर कार्यतालिका बनाएर काम अघि बढाउने उहाँले जानकारी दिनुभयो । तर चालु आर्थिक वर्षमा सम्भावना कम रहेकाले आर्थिक वर्ष २०७८÷०७९ देखि शुरु गर्ने विभागको लक्ष रहेको उहाँले भन्नुभयो । बैसाख १५ गते देखि सुपरिवेक्षकहरुका लागि तालिम दिन शुरु गरेको थियो भने यो तालिम पनि स्थागित भएको छ । कार्यतालिका अनुसार बैसाख २६ गते देखि देशैभरका ४३ हजार गणकहरुलाई तालिम दिने तयारी थियो ।


१० वर्ष पछि हुने जनगणना कार्यक्रम मात्र नभएर राष्ट्रिय पर्वको रुपमा लिएपनि तथ्याङक विभागले कार्यक्रमलाई अघि बढाउन नसके पछि सरकारसँग स्थागित गर्ने प्रस्ताव लगेको राष्ट्रिय योजना आयोगका उपसचिव दिवाकर लुङटेलले बताउनुभयो । गणकलाई तालिम दिए पछि तत्कालै जेठ २५ देखि फिल्डमा पुगेर असार ८ गतेसम्म गणना शुरु गर्ने कार्यतालिका रहेको थियो । विभागले जनगणनाका लागि करिव ८५ प्रतिशत काम सम्पन्न गरि सकेको जनाएको छ ।

एक गाउँपालिकामा १० जना सम्म गणक भएकाले ठूलो भीड हुने भएकाले सम्भावना कम भएको विभागको भनाई छ । नयाँ नयाँ व्यक्तिलाई जनगणनामा सामेल गराएकाले भर्चुअल माध्यमबाट तालिम असम्भव भएकाले स्वास्थ्य मापदण्ड अपनाएर समेत काम अघि बढाउन सकिने अवस्था नभए पछि स्थगित गर्नुको विकल्प नभएको उपसचिव लुङटेलले बताउनुभयो ।

तत्काल जनगणनाका लागि सुपरिवेक्षक र गणकको तालिम प्रभावित भयो यसले पनि कार्यतालिकामा असर पारेको छ, लुइँटेलले भन्नुभयो । विभागले १२ औं जनगणना गर्न प्रत्यक्ष रुपमा जनतासमक्ष पुग्नका लागि ४३ हजार गणक नियुक्त गरेको छ ।

  • 60
  •  
  •  
  •  
  •  
  •  
  •  
    60
    Shares
  •  
    60
    Shares
  • 60
  •  
  •  
  •  
  •  
सुदुरपश्चिम प्रदेश धनगढी, कैलाली
9800639387,9812622235, 9814620010,
bplusstudio7@gmail.com

बि प्लस नेपाल टिम

अध्यक्ष

भानु प्रताप राना

सम्पादक

भक्तराज राना

प्रवन्धक

हरद्वारी राना

व्यवस्थापक

नारायन राना

संबाददाता

सुरज राना

श्रीशा राना

सतेन्द्र राना

सेवाराम राना

सामाजिक संजाल