थरुहट÷थारुवान राष्ट्रिय मोर्चा कैलालीले संविधान दिवस अर्थात् असोज ३ गतेलाई कालो दिनको रूपमा मनाउने भएको छ। मोर्चाले असोज ३ गते कैलालीको जोशीपुर बजारमा विरोध सभा आयोजना गरेर कालो दिन मनाउने थरुहट÷थारुवान राष्ट्रिय मोर्चा कैलालीका संयोजक माधव थारुले बताए ।
संयोजक चौधरीले जिल्लाका विभिन्न ठाउँमा संविधानको धारा २७४ र अनुसूची ४ लाई जलाएर विरोध गर्ने बताए । २०७२ असोज ३ गते ‘नेपालको संविधान २०७२’ जारी भएको थियो । थरुहट÷थारुवान मोर्चाले कैलाली–कञ्चनपुर सहित पश्चिम तराईमा थरुहट राज्य बनाउनु पर्ने लगायतका माग गर्दै आएको छ ।
मोर्चाले संविधान जारी हुनु भन्दा पहिले देखि उठाएको माग संविधानमा नसमेटे पछि मोर्चा संविधान जारी भएको दिनलाई कालो दिनको रूपमा मनाउदै आएको संयोजक चौधरीले बताए ।