१७ मंसिर २०७८, शुक्रबार
बि प्लस नेपाल

बुटवलमा देउवा-पौडेल पक्षबीच कुटाकुट, घाइतेलाई काठमाडौं पठाइयो

बि. प्लस न्युज डेस्क ८ मंसिर २०७८, बुधबार
बुटवलमा देउवा-पौडेल पक्षबीच कुटाकुट, घाइतेलाई काठमाडौं पठाइयो

नेपाली कांग्रेसको क्षेत्रीय अधिवेशन अन्तर्गत रुपन्देही क्षेत्र नम्बर २ को मतगणनाका क्रममा कांग्रेस कार्यकर्ताबीच झडप भएको छ। बुटवलको बालमन्दिरमा मतगणना जारी रहँदा दुई गुटबीचको विवाद उग्र हुँदै झडप भएको हो।

झडपमा रामचन्द्र पौडेल पक्षका महाधिवेशन प्रतिनिधि उम्मेद्वार दीर्घबहादुर केसी (कुमार) गम्भीर घाइते भएका छन्। सभापति शेरबहादुर देउवा समूहले केसीमाथि आक्रमण गरेको वरिष्ठ नेता रामचन्द्र पौडेल समूहको आरोप छ।

गम्भीर घाइते केसीलाई बुटवलस्थित लुम्बिनी प्रादेशिक अस्पतालमा सामान्य उपचारपछि थप उपचारका लागि काठमाडौं पठाइएको छ। आक्रमणबाट उनको टाउको र मुखमा चोट लागेको छ।

मतगणनामा पौडेल समूहका उम्मेद्वारहरूले अग्रता लिएका थिए। आक्रमणपछि अहिले मतगणना स्थगित भएको छ।

गृहमन्त्री बालकृष्ण खाणको गृहजिल्ला समेत रहेको रुपन्देहीमा यसअघि निर्वाचन क्षेत्र नम्बर ३ प्रदेश क्षेत्रीय निर्वाचनको मतगणनाका क्रममा संस्थापन पक्ष र संस्थापन इतर पक्षबीच विवाद बढेर झडप हुँदा क्षेत्रीय सचिवका उम्मेद्वार शैलेश पन्तसहित ५ जना घाइते भएका थिए।

from pahilo post

सुदुरपश्चिम प्रदेश धनगढी, कैलाली
9800639387,9812622235, 9814620010,
bplusstudio7@gmail.com

बि प्लस नेपाल टिम

अध्यक्ष

भानु प्रताप राना

सम्पादक

भक्तराज राना

प्रवन्धक

हरद्वारी राना

व्यवस्थापक

नारायन राना

संबाददाता

सुरज राना

श्रीशा राना

सतेन्द्र राना

सेवाराम राना

सामाजिक संजाल

0 Shares
Tweet
Share
Share
Pin