कैलालीको धनगढीमा लागू औषधसहित (खैरो हेरोइन) एक जना पक्राउ पक्राउ परेका छन्।

धनगढी उपमहानगरपालिका–३ त्रिनगर ब्यारेल नजिकैबाट लागुऔषधसहित एक जना पक्राउ परेका हुन्।

वडा प्रहरी कार्यालय धनगढीबाट प्रहरी निरीक्षक योगेश खत्रीको कमाण्डमा खटिएको प्रहरी टोलीले डोटीको दिपायल–सिलगढी नगरपालिका–६ घर भई हाल धनगढी–१ त्रिवेणी चोक नजिकै कोठा गरी बस्ने १८ वर्षीय अनुरोध श्रेष्ठलाई ६०१ मिलिग्राम लागुऔषधसहित पक्राउ गरिएको छ।

उनलाई जिल्ला प्रहरी कार्यालयको हिरासत कक्षमा राखेर अनुसन्धान भइरहेको छ। उनले बोकेका सामानहरुको सुक्ष्म रुपमा चेकजाँच गर्दा साबुनभित्र लुकाई राखेको ५ ग्राम ४३० मिलिग्राम लागुऔषध कुल ६ ग्राम ३१ मिलिग्राम लागुऔषध बरामद गरिएको प्रहरीले जनाएको छ।