कैलाली बहुमुखी क्याम्पसले बिहीबार तीन वटा संकायका शिक्षण समिति अध्यक्ष नियुक्त गरेको छ ।

क्याम्पस प्रमुख तोयराज भट्टले ब्यबस्थापन संकाय तर्फ एमबिएस र बिबिएस तर्फको शिक्षण समिति अध्यक्षमा उप प्राध्यापक घनश्याम भट्ट , मानविकी संकाय शिक्षण समिति अध्यक्षमा स्नातक र स्नातकोत्तर तर्फ उप प्राध्यापक हरीराम चौधरी र शिक्षा संकाय तर्फ स्नातक र स्नातकोत्तर तर्फको शिक्षण समिति अध्यक्षमा सह प्राध्यापक डा. प्रयागराज जोशीलाई नियुक्त गर्नु भएको हो ।

कैलाली बहुमुखी क्याम्पसका सहायक क्याम्पस प्रमुख सह प्राध्यापक डा. लोकबहादुर बिष्टले बिश्वविद्यालय संगठन र शैक्षिक प्रशासन नियमावली २०६९ को परिच्छेद १५ को दफा ११७ ( १) बमोजिम दुई बर्षका लागि शिक्षण समितिको अध्यक्ष नियुक्त गरिएको बताए । सहायक क्याम्पस प्रमुख बिष्टले कार्यकाल सफल हुनेमा बिश्वस ब्यक्त गरेका हुन ।