११ असार २०७८, शुक्रबार
बि प्लस नेपाल

रानाथारु भाषा लेखनमा एकरुपता ल्याउन कार्यक्रम, प्रारम्भिक निर्देशिका २०७२ मा सुधारकाे माग

बि. प्लस न्युज डेस्क २६ जेष्ठ २०७८, बुधबार
रानाथारु भाषा लेखनमा एकरुपता ल्याउन कार्यक्रम, प्रारम्भिक निर्देशिका २०७२ मा सुधारकाे माग

रानाथारू भाषाको व्याकरण तथा मानकिकरण सम्बन्धि भर्चुअल कार्यक्रम सम्पन्न भएको छ । रानाथारु भाषा लेखनमा एकरुपता ल्याउन कार्यक्रम गरिएको हो । जेठ २३ गते देखि २६ गते सम्म संचालन भएको सो कार्यक्रममा राना भाषा लेखन सम्बन्धी बृहत छलफल भएको छ । कार्यक्रमा सहभागि भएका मध्य अधिकांश सहभागी तथा प्रस्तुतकर्ताले रानाथारु भाषामा इकार र उकार ह्रस्व दीर्घ हुने गरेको तर रानाथारु भाषा लेखन प्रारम्भिक निर्देशिका २०७२ मा उक्त त्रुटी रहेको टिप्पणी गरेका छन ।

नेपाल सरकार शिक्षा मन्त्रालय पाठयक्रम विकास केन्द्रले २०७२ सालमा रानाथारु भाषा लेखन प्रारम्भिक निर्देशिका तयार पारिएको थियो । सोहि निर्देशिका अनुसार कक्षा १,२ र ३ को पाठयपुस्तक तयार भइ कैलाली र कञ्चनपुरका २७ विद्यालयमा पठनपाठन हुदैआइरहेको छ ।

हाल रानाथारु भाषाको व्याकरण लेख्न कार्य र शव्दकोष निर्माण कार्यको भैरहेको छ । व्याकरण लेख्न कार्य पनि अन्तिम चरणमा पुगिसकेको कार्यक्रम मार्फत जानकारी गराइएको छ ।

२०७२ सालमा तयार पारिएको रानाथारु भाषा लेखन प्रारम्भिक निर्देशिकामा कमजोरी रहेको बताइएको छ । निर्देशिका अनुसार तयार भएका पाठयपुस्तकमा प्रयोग भएका शब्दहरुको बारेमा हाम्रो स्विकार्य छैन भन्ने एक प्रकारको जनमत रहेको छ । उनीहरूले रानाथारु भाषा लेखन प्रारम्भिक निर्देशिका र व्याकरणमा इकार र उकार ह्रस्व दीर्घ दुबै हुनु पर्ने , निर्देशिका अनुसारका बिग्रिएका पाठयपुस्तक सुधार गर्नु पर्ने, रानाथारुको ठेट भाषा अनुसार व्याकरण हुनु पर्ने जस्ता अवाज उठाएका छन ।

विवाद पूर्ण देखिएका समस्याहरु माथि छलफल गराउन र रानाथारु भाषाको लेखनमा एकरुपता आओस । रानाथारु भाषाको चुनौतिका बारेमा छलफल गरी अध्ययन अुसन्धान गर्न “रानाथारु व्याकरण तथा मानकिकरण निर्माण” सम्बन्धि भर्चुअल कार्यक्रम गरिएको व्याकरण निर्माण समितिका संयोजक कमल सिं रानाले बताए ।

नेपाल रानाथारु समाज केन्द्रिय कार्यसमितिका अध्यक्ष कृपा राम रानाले प्रारम्भिक निर्देशिकामा देखिएका कमि कमजोरी र रानाथारु व्याकरण निर्माणमा विविध कमजोरी हरुलाई नेपाल रानाथारु समाज अगुवाईमा गर्न सकिने र त्यसका लागि सबैले लचकता अपनाउनु पर्ने बताए ।

कार्यक्रममा राना समुदायका बुद्घिजिवी, समाजसेवी, विद्यार्थी, समाजका अगुवा , भलमन्सा लगायत उपस्थिति रहेको थियो ।कार्यक्रममा प्राबिधिक सहयोग रानाथारु डटकमकाे रहेकाे थियाे ।

  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
सुदुरपश्चिम प्रदेश धनगढी, कैलाली
9800639387,9812622235, 9814620010,
bplusstudio7@gmail.com

बि प्लस नेपाल टिम

अध्यक्ष

भानु प्रताप राना

सम्पादक

भक्तराज राना

प्रवन्धक

हरद्वारी राना

व्यवस्थापक

नारायन राना

संबाददाता

सुरज राना

श्रीशा राना

सतेन्द्र राना

सेवाराम राना

सामाजिक संजाल