धनगढी उपमहानगरपालिका वडा नं. १३ राजपुरमे रही राना युवा क्लव सरसफाई अभियान आजसे सुरु करि हए । अपन गाँव बपने बनाँव नारा लैके कातिक २४ गते से २८ गते तक अभियान चलनबालो हए ।

शुभ दिबारी औ छठ पर्वकी अबसरमे गाँव सरसफाई करके सुरुकरे क्लवकी अध्यक्ष राम प्रकाश राना दताई हएँ । आजहानी ४ दिनतक रोजदिन सबेरे सबेरे क्लवकी सदस्य मार्फत सरसफाई करनकी योजना लएहए बिनकी कहाई हए ।

सरसफाई अभियानमे पुरो गाँवको समर्थन हए , गाँवबासी अपनए फिर सरसफाईमे लागे हए । आज सबेरे वडा नं. १३ की अध्यक्ष विजय राज जोशी जेसिबी लगाएके डगर सरसफाई अभियानके सहयोग करी हएँ । क्लव अच्छो कामकरी कहिके राना युवा क्लवके धन्यवाद औ शुभ कामाना फिर दैहएँ ।