रानाथारु भाषाकी सुनो लागए कहनिया बोलकी गितक भिडियाे आज सर्बजनिक भअाे हए । जा गितकी भिडियाे हमर रानाथारु इन्टरटेन्मेन्ट युटुव च्यानल मार्फत सर्बजनिक भओ हए ।

रानाथारुके म्युजिक भिडियो अब धमाधम बनन डटे हए । गितमे शब्द अनुश्रेया रानाकी हए कहेसे संगीत, शंकार राना कि हए । गितमे स्वर शंकार राना और अनुश्रेया राना की हए । ज गितके संगीतकार बिशाल निरौला हए और ज गित काठमाण्डुकी अलन्कर स्टुडियोमे रेकर्ड करि हए ।

ज गितमे जोडा जोडिकि गहिरो मायाप्रेमके समेटके शब्द हए कहिके गयक अनुश्रेया बतात हए ।

ज भिडियो और भिडियोसे फरक हए । और भिडियोमे अप्ने निर्माता और अप्ने अभिनय कराे करत रहए , पर ज भिडियोक निर्माण अमर सिंह राना करि हए और भिडियोमे शिव दश राना और पार्वती राना अभिनय करि हएँ । निर्माता अमर सिंह राना ज भिडियो पहाडमे छयाङकन भओ हए कहिके बतइ हए ।

रानाथारु म्यूजिक भिडियाेमे विवेक राना पहिलो चोटि निर्देशन करि हए , पहिलाे अनुभव बहुत अच्छाे भअाे कहिके निर्देशक विवेक राना बताइ हए ।

गितमे छयाङकन हरद्वरी राना और शृगार हसिना राना करी हएँ ।

भिडियाे सहित : https://youtu.be/fYZfWm5GfzM