२० मंसिर २०७९, मंगलवार
बि प्लस नेपाल

७० लाख खर्चमा बनेको नव ज्योति सहकारीको दोस्रो तल्ला मा.मालामती रानाद्वारा उद्घाटन

खबर सम्बाददाता १६ आश्विन २०७९, आईतवार
७० लाख खर्चमा बनेको नव ज्योति सहकारीको दोस्रो तल्ला मा.मालामती रानाद्वारा उद्घाटन

कैलालीको धनगढी उप-महानगरपालिका वडा नं ७ स्थित नव ज्योति कृषि सहकारी संस्था लिमिटेडको दोस्रो तल्ला भवन २०७९ असोज १६ गते उद्घाटन सम्पन्न भएको छ ।

कार्यक्रममा प्रमुख अतिथि सुदुरपश्चिप प्रदेश सभा सदस्य माननीय मालामती राना ,विशिष्ट अतिथी संविधान सभा सदस्य तथा नव ज्योति कृषि सहकारी संस्था लि. का सल्लाहकार संयोजक प्यारेलाल राना ,धनगढी वडा नं ७ का वडा सदस्य बासु राना थारु , अतिथी धनगढी वडा नं ७ निवर्तमान वडा सदस्य यमुना भट्ट जोशी , देवहरिया सामुदायिक वन उपभोक्त समुहका अध्यक्ष शारदा प्रशाद राना , देवहरिया गाउँका भलमन्सा जगन्नाथ राना , सम्पुर्ण शेयर सदस्य ,समाजसेवी , बुद्धिजीवी , कर्मचारीको उपस्थिति र नव ज्योति कृषि सहकारी संस्था लि. का अध्यक्ष तथा धनगढी वडा नं ७ का निवर्तमान वडा अध्यक्ष सिताराम रानाको अध्यक्षतामा कार्यक्रम सम्पन्न भएको छ ।

प्रदेश पुर्वाधार विकास कार्यक्रमबाट अनुदान रु. ४० लाख निकासा प्राप्त रकम रु. ३७लाख ३९ हजार ९४५ रुपैया र सहकारी संस्थाको अन्तरिक खर्च रु.३२लाख ६०हजार ५५ रुपैया गरि जम्मा खर्च ७० लाख मात्र खर्चमा निर्माण सम्पन्न भएको छ भनेर स्वागत मन्तव्य पनि नव ज्योति कृषि सहकारी संस्था लि. का उपाध्यक्षले बताएका छन ।

ब्याजदर नव ज्योति कृषि सहकारी संस्था लि. का सदस्य मनोज बिक्रम दहितले प्रस्तुत गरेका थिए । सहकारी विभागको मिति २०७९ -०४-३१ को निर्देशन बमोजिम २०७९ भदौ मसान्तसम्मको बित्तीय विवरण नव ज्योति कृषि सहकारी संस्था लि. का ब्यवस्थापक उग्रसेन रानाले प्रस्तुत गरेका थिए ।

यो सहकारीलाई सानो समयमा धेरै प्रगति गराउनमा सबै शेयर सदस्य , कर्मचारी ,बचत गर्नेको योगदान छ । यस सहकारीले सुपथ मूल्य पसलबाट वार्षिक ३ लाखको आम्दानी गर्दछ । यो आम्दानी हामी सम्पुर्ण शेयर सदस्यको आम्दानी पनि हो । हामिले शेयर सदस्यहरु बढाउनु पर्नेछ र संस्थाको उत्तरोत्तर प्रगति होस भनेर विशिष्ट अतिथि संविधान सभा सदस्य तथा नवज्योति कृषि सहकारी संस्था लि. का सल्लाहकार संयोजक प्यारेलाल रानाले बताएका छन ।

यो सहकारीले सानो समयमा धेरै फड्को मारेको छ । यो सहकारीले प्रगति गर्दै आइरहेको थियो मैले आफुले गरेको सहयोगले यो सहकारीमा पहिले भन्दा बढी प्रगति गर्ने जिम्मेवारी तपाईंको छ र आशा छ तपाईंले यो सहकारीलाई उन्नति प्रगति हुन्छ भनेर प्रमुख अतिथी सुदुरपश्चिप प्रदेश सभा सदस्य माननीय मालामती रानाले बताएकि छिन ।

दशै दिपावलीमा यदि तपाईंसङ्ग खर्च छैन भने तपाईंले यस सहकारीबाट १० हजार सम्मको ॠण लिन सक्नुहुन्छ । अति आवश्यक काम भएको बेला तपाईंले यस सहकारीबाट रुपैया सजिलै निकाल्न सक्नुहुन्छ । दोस्रो तल्लाको हल उद्घाटन भएको छ यसमा तपाईंले तिज ,होलि , माघी जस्ता सबै समुदायका कार्यक्रमहरु नजिकै गर्न सक्नुहुन्छ । तपाईहरु बचत गर्नुस शेयर पुजी बढाउनुस र यस संस्थाले जति नाफा तपाईहरुकै हुनेछ भनेर सभापति सिताराम रानाले बताएका छन ।

कार्यक्रम संचालन नव ज्योति कृषि सहकारी संस्था लि. ब्यवस्थापन समितीका सचिव भिरा राम रानाले गरेका थिए ।

सुदुरपश्चिम प्रदेश धनगढी, कैलाली
9800639387,9812622235, 9814620010,
bplusstudio7@gmail.com

बि प्लस नेपाल टिम

अध्यक्ष

भानु प्रताप राना

सम्पादक

भक्तराज राना

प्रवन्धक

हरद्वारी राना

व्यवस्थापक

नारायन राना

संबाददाता

श्रीशा राना

सतेन्द्र राना

सेवाराम राना

सामाजिक संजाल

0 Shares
Tweet
Share
Share
Pin