धनगढीको वडा नं. १३ राजपुरमा सामनको डोलाको उद्दघाटन भएको छ । राना युथ क्लव राजपुरको आयोजनामा हमर संस्कृति हमर शान, संरक्षण करके सबके चिनहान भन्ने मुल नाराका साथ एक कार्यक्रम बीच धनगढी उपमहानगरपालिकाकी उप प्रमुख कन्दकला रानाले उद्दघाटन गरिन । उद्दघाटन समारोहकी प्रमुख अतिथि तथा उप प्रमुख रानाले रानाथारुको तीज सँगै जोडिएर आउने सामनको डोलाको विशेष महत्व रहेको बताइन ।

विशिष्ट अतिथि तथा धनगढी वडा १३ का वडाका अध्यक्ष विजय राज जोशीले संस्कृति नै पहिचान रहेकोले यसलाई संरक्षण गर्ने हामी सबैको दायित्व रहेको बताए । उनले यस्ता हरेक क्रियाकलापहरुमा वडाको सहयोग रहने प्रतिबद्धता जनाए ।

उद्दघाटन कार्यक्रममा विभिन्न व्यक्तित्वहरुलाई सम्मान पनि गरिएको थियो । गाउँको सवै भन्दा बढी उमेरकी जेष्ठ नागरिक, गाउँको चाकर र दुई महिला स्वयम् सेविका गरी चार जना सम्मानित भएको क्लबका अध्यक्ष बहाली रानाले बताए ।

रानाथारु समुदायले मनाउने तीज पर्व भन्दा पहिले नै डोला (पिङ) खेल्ने गर्दछन ।