कैलालीको धनगढी उप-महानगरपालिका वडा नं १३ स्थित झलारी गाउँमा तेस्रो सामनको डोला कार्यक्रम झलारी गाउँ समितीको आयोजना , धनगढी-१३ वडा कार्यालयको सहयोगमा र रोहित रानाको अध्यक्षतामा सम्पन्न भएको छ ।

कार्यक्रममा प्रमुख अतिथी धनगढी-१३ का वडा सदस्य हिरालाल राना , विशिष्ट अतिथी पढना तथा नवज्योति कृषि सहकारी संस्था लि. का व्यावस्थापक उग्रसेन राना , भलमन्सा रंगिलाल राना , शिक्षक फुलमती राना , समाजसेवी ,बुद्धिजीवी ,तथा स्थानीयको उपस्थिति रहेको थियो ।

धनगढी-१३ मा गरिब तथा जेहेन्दार विद्यार्थीलाई शिक्षाको लागी वडाले सहयोग गर्ने छ । गाउँ सुधार गर्नको लागि हामी सबैले एकजुट हुनुपर्छ र शिक्षामा समेत जोड दिनुपर्छ । हामीले संस्कृति बचाउनको लागि सबैका लागि वडाबाट बजेट बिनियोजन गर्छौ । संस्कृति हाम्रो पहिचान हो हामी सहयोग गर्दै आइरहेका छौ र अगामी दिनमा पनि वडा नं १३ ले सहयोग गर्ने भनेर प्रमुख अतिथी धनगढी-१३ का वडा सदस्य हिरालाल रानाले प्रतिबद्धता गरेका हुन ।