कैलालीमा लागुऔषधसहित एक जना औषधि पसल सञ्चालक पक्राउ परेका छन् ।

जिल्लाको जोशीपुर गाउँपालिका–५ घर भई वडा नम्बर ७ को रघुनाथ बहुमुखी क्याम्पस नजिकै प्रतिभा हेल्थ क्लिनिक सञ्चालन गर्दै आएका ४० वर्षीय रामकृष्ण चौधरी लागुऔषधसहित पक्राउ परेका हुन् ।

चौधरीको मेडिकलबाट लागुऔषधको रूपमा प्रयोग गरिने पाँच सय स्पास्म ट्याब्लेट र एक हजार ट्याबलेट त्रिगाभा म्यूरिन बरामद गरिएको जिल्ला प्रहरी कार्यालय कैलालीका प्रवक्ता कविन्द्रसिंह बोहराले जानकारी दिए । उनका अनुसार चौधरीलाई नियन्त्रणमा लिएर थप अनुसन्धान अघि बढाइएको छ ।