भारतमा आयोजना हुने खोखो प्रतियोगितामा भाग लिने चार खेलाडीको बिदाइ गरिएको छ। कैलाली जिल्ला खेलकुद संघले सुदूरपश्चिमका चार खेलाडीलाई बिदाइ गरेको हो।

संघले दिल्लीस्थित इन्दिरा गान्धी स्टेडियममा आयोजना हुने अन्तर्राष्ट्रिय खोखो प्रतियोगिताका लागि सुदूरपश्चिमका चार खेलाडीलाई बिदाइ गरेको छ।संघले महिलातर्फ वर्षा पण्डित र खुश्बु राना तथा पुरुषतर्फ गणेश विक र जोगेन्द्र रानालाई नेपालको प्रतिनिधित्व गर्दे खेल्नका लागि पठाएको हो।

खोखो संघका केन्द्रीय कोषाध्यक्ष कृष्ण पनेरुले यस प्रतियोगितामा २४ राष्ट्रको सहभागिता रहने बताए। कैलाली खेलकुद संघका अध्यक्ष ललित खत्रीले उनीहरूलाई बिदाइ गरेका हुन।