सुदूर पश्चिम प्रदेशमा भएकाे अविरल वर्षाका कारण कञ्चनपुरकाे भाइरल रोड नामले परिचित ६ लेन कालोपत्रे सडकमा महाकाली नदीले कटान गर्न थालेको छ। टिकटाेकका कारण भाइरल राेड निकै चर्चामा अाएकाे थियाे । पुल आयोजनादेखि करिब दुई सय मिटर उत्तरतर्फ रहेको बैजनाथ मन्दिर क्षेत्रमा रोड कटान सुरु भएको बताइएको छ।
महाकाली पुल आयोजना भित्रको उक्त रोड बाढिले कटान गर्न थालेको र महाकाली नदीमा पानीको बहाव कम नभए कालोपत्रे सडक पुरै कटान हुन सक्ने जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक सिद्धराज न्यौपानेले बताए।